राज्य सरकारला प्रशासनात अपयश आले आहे. राज्यात कायदा व सुव्यवस्था पूर्णपणे कोलमडली आहे. बेंगळुरूमध्ये दिवसाढवळ्या दरोड्याच्या घटना घडत आहेत. सरकारचे प्रशासनावरचे लक्ष कमी झाले आहे, असे मत केंद्रीय मंत्री प्रल्हाद जोशी यांनी हुबळी येथे व्यक्त केले.

पत्रकारांशी संवाद साधताना ते म्हणाले की, पोलीस खात्यात प्रचंड भ्रष्टाचार झाला आहे. आमदार चिठ्ठी लिहून बदल्या करवून घेत आहेत. प्रचंड बहुमत देणाऱ्या जनतेशी काँग्रेस पक्ष गद्दारी करत आहे. आमदारांच्या खरेदी-विक्रीमध्ये नेते गुंतले आहेत. तुरुंगात जाऊन ते आमदारांना भेटत आहेत. मतदानाच्या वेळी आपल्याला पाठिंबा मिळावा यासाठी या भेटीगाठी सुरू आहेत. मतदानात आपली संख्या जुळवण्याचा ते प्रयत्न करत आहेत, अशा शब्दांत त्यांनी संताप व्यक्त केला.

यावेळी त्यांनी राहुल गांधींवरही जोरदार टीका केली. राहुल गांधींना ‘INDIA’ या शब्दाचा पूर्ण अर्थ (फुल फॉर्म) माहीत नाही. ‘राहुल गांधींनी आजही ‘INDIA’ चा फुल फॉर्म सांगून दाखवावा!’ असे आव्हान जोशी यांनी दिले. ‘इंडिया आघाडीचा जन्मच अपंग अवस्थेत झाला आहे आणि त्यामुळे त्यांचा अंत नैसर्गिकरित्या होणार आहे,’ असा उपरोधिक टोलाही त्यांनी लगावला.