बेळगाव उत्तर विधानसभा मतदारसंघाचे आमदार आसिफ सेठ यांनी बसवन कुडची येथील सरकारी शाळेला भेट दिली. या भेटीदरम्यान त्यांनी महिन्याच्या सुरुवातीलाच सुरू झालेल्या बांधकाम आणि विकास कामांच्या प्रगतीचा आढावा घेतला.

यावेळी आमदार आसिफ सेठ यांच्यासोबत युवा नेते अमान सेठ उपस्थित होते. त्यांनी कामाच्या प्रगतीचे निरीक्षण केले आणि कामाची गुणवत्ता राखून प्रकल्प वेळेत पूर्ण करावा, अशा स्पष्ट सूचना अधिकाऱ्यांना तसेच कंत्राटदारांना दिल्या. बेळगाव उत्तर मतदारसंघाच्या त्यांच्या दूरदृष्टीमध्ये शिक्षण आणि शालेय पायाभूत सुविधांचा विकास हे प्रमुख प्राधान्य असल्याचे आमदार सेठ यांनी यावेळी सांगितले.

यावेळी अलारवाड येथील नवीन सिमेंट-काँक्रिट रस्त्यांच्या कामाचे भूमिपूजन देखील आम. आसिफ सेठ यांच्या हस्ते पार पडले.

यावेळी आमदारांनी स्थानिक रहिवाशांशी संवाद साधून त्यांच्या समस्या जाणून घेतल्या. रस्ते, गटारी आणि नागरिक सुविधांची गुणवत्ता सुधारण्यासाठी सरकार कटिबद्ध आहे, असे आश्वासन त्यांनी दिले. .

यावेळी युवा नेते अमान सेठ, स्थानिक नगरसेवक आणि इतर लोकप्रतिनिधी उपस्थित होते.