अस्वस्थ वाटत असल्याने बेळगाव येथील बिम्स रुग्णालयात उपचारासाठी आणले असताना, बाथरूमला जाऊन येतो असे सांगून पळून गेलेल्या पॉक्सो प्रकरणातील कैद्याला पुन्हा ताब्यात घेण्यात बेळगाव पोलिसांना यश आले आहे.

अस्वस्थतेमुळे बेळगाव येथील बिम्स रुग्णालयात उपचारासाठी आणले असताना, बाथरूमला जाऊन येतो असे सांगून पळून गेलेल्या पॉक्सो प्रकरणात २० वर्षांच्या शिक्षेवर असलेल्या हिंडलगा कारागृहातील कैदी, चिकोडी तालुक्यातील मांजरी गावचा रहिवासी अनिल लंबुगोळ याला पुन्हा ताब्यात घेण्यात पोलिसांना यश आले आहे. सकाळी ८ वाजून ३५ मिनिटांनी पळून गेलेला अनिल दिवसभर रुग्णालयातच लपून बसला होता आणि सायंकाळी ६ वाजता पळून जाण्याचा प्रयत्न करत होता. यावेळी, त्याचा सतत शोध घेत असलेले हिंडलगा कारागृहाचे कर्मचारी आणि पोलिसांनी त्याला बेळगाव शहरातील कोर्टाच्या आवाराजवळ पुन्हा अटक करून ताब्यात घेतले.