चिकोडी तालुक्यातील एकसंबा-दानवाड रस्त्यावरील पुलाजवळ सोमवारी सकाळी एका अज्ञात व्यक्तीची हत्या करून मृतदेह टाकल्याची घटना उघडकीस आली आहे.

सदलगा पोलिस ठाण्याच्या हद्दीत घडलेल्या या घटनेबाबत पोलिसांनी अधिक माहिती दिली आहे. मृत व्यक्तीच्या उजव्या हातात चांदीचे कडे, क्रीम रंगाचा कॉलर नसलेला टी-शर्ट, काळ्या रंगाचे स्पोर्ट्स जॅकेट, मेहंदी रंगाची नाईट पँट घातलेली आहे. उंची सुमारे ५ फूट ९ इंच असून, वर्ण गव्हाळी आणि केस लांब आहेत. या व्यक्तीबद्दल अजून कोणतीही माहिती पोलिसांना मिळालेली नाही.

मृत व्यक्तीबद्दल कोणालाही माहिती असल्यास सदलगा पोलिस ठाण्याचे पीएसआय यांच्या ९४८०८०४०५७ या क्रमांकावर किंवा चिकोडी सीपीआय यांच्या ९४८०८०४०४१ या क्रमांकावर संपर्क साधावा, असे आवाहन पोलिस विभागाने केले आहे. या अज्ञात व्यक्तीच्या क्रूर खुनामुळे परिसरात भीतीचे वातावरण पसरले आहे.