कर्तव्यपूर्तीमध्ये कसूर केल्याच्या आरोपावरून बेळगाव महापालिकेचे महसूल उपायुक्त रेश्मा ताळिकोटे यांच्याविरोधात परिषदेच्या सभेत भाजपने ठराव मंजूर करून त्यांच्या बदलीचे आदेश दिले आहेत. या निर्णयावर विरोधी पक्ष असलेल्या काँग्रेसच्या नगरसेवकांनी प्रश्नचिन्ह उपस्थित केले आहे. हा निर्णय कोणत्या आधारावर घेण्यात आला, याचे स्पष्टीकरण मिळावे, अशी मागणी त्यांनी महापालिका आयुक्त शुभा.बी. यांच्याकडे निवेदन देऊन केली.

निवेदन स्वीकारल्यानंतर महापालिका आयुक्त शुभा.बी. यांनी अवलोकनपर माहिती दिली: “उपायुक्तांविरुद्धचा ठराव हा एका मताच्या फरकाने खंडपीठाच्या सभेत मंजूर झाला आहे. यावर चौकशी झाल्यानंतर पुढील कार्यवाही केली जाईल. हा निर्णय आमच्या स्तरावर नसून, तो शासनाच्या अखत्यारीतला आहे. यापूर्वी सत्ताधारी पक्षाच्या नगरसेवकांनी या निर्णयाला आव्हान देत आंदोलनही केले होते. त्यांना ठरावाची प्रत मिळाल्यानंतर नियमानुसार पुढील कारवाई करावी लागेल.”

दरम्यान, ‘खाऊकट्टा’ प्रकरणात वकील न्यायालयात हजर होत नाहीत. एका महिला अधिकाऱ्यावर अन्याय होत असताना कोणी आवाज का उठवत नाही, असा प्रश्न पत्रकारांनी विचारला असता, त्या म्हणाल्या की, “या प्रश्नाचे उत्तर मी देऊ शकत नाही. ‘खाऊकट्टा’ संबंधित प्रकरणात आमचे वकील न्यायालयात जात आहेत आणि महापालिका आपली बाजू मांडत आहे.” अधिकाऱ्यांनी वेळेचे पालन करून आपली जबाबदारी पूर्ण करावी. सत्ताधारी पक्षाच्या नगरसेवकांनी केलेल्या आरोपांसंदर्भात शासनाच्या चौकशीनंतर सत्यता समोर येईल असेही पालिका आयुक्तांनी स्पष्ट केले.