राष्ट्रीय स्वयंसेवक संघाच्या शताब्दी वर्षानिमित्त धारवाड शहरात हिंदुत्ववादी संघटनांच्या कार्यकर्त्यांनी एका भव्य बाईक रॅलीचे आयोजन केले होते.

हुर्कडली अज्‍जा विधी महाविद्यालय मैदानावर हिंदू संघटनांचे कार्यकर्ते मोठ्या संख्येने जमले. त्यांनी आपल्या दुचाकींना भगवे ध्वज लावले आणि स्वतः भगवे फेटे परिधान करून ही रॅली सुरू केली. यावेळी भारतमातेच्या प्रतिमेचीही मिरवणूक काढण्यात आली.

हुर्कडली अज्‍जा विधी महाविद्यालयापासून सुरू झालेली ही बाईक रॅली धारवाडच्या प्रमुख रस्त्यांवरून मार्गक्रमण करत केसीडी मैदानावर येऊन थांबली. या भव्य बाईक रॅलीत मेयर ज्योती पाटील यांच्यासह अनेक प्रमुख नेत्यांनी आणि कार्यकर्त्यांनी सहभाग घेतला होता.