हुक्केरी विद्युत सहकारी संघाच्या निवडणुकीत आम्हाला निवडून दिलेल्या मतदारांची आणि जनतेची सेवा करणे हेच आमचे प्रथम आणि महत्त्वाचे कर्तव्य असेल, असे नवनिर्वाचित संचालक विनय पाटील यांनी स्पष्ट केले.

अलीकडेच झालेल्या हुक्केरी विद्युत सहकारी संघाच्या निवडणुकीत स्वाभिमानी पॅनेलचे सर्व उमेदवार मोठ्या मताधिक्क्याने विजयी झाले. या विजयाच्या पार्श्वभूमीवर, हुक्केरी तालुक्यातील मदिहळ्ळी गावातील प्राथमिक सहकारी संस्थांचे सदस्य आणि ग्रामस्थ यांनी नवनिर्वाचित संचालक विनय पाटील आणि कलगौडा पाटील यांचा अभिनंदनपर सत्कार केला.

हा सत्कार स्वीकारल्यानंतर माध्यम प्रतिनिधींशी बोलताना विनय पाटील म्हणाले, “विद्युत सहकारी संघाच्या या अभूतपूर्व निवडणुकीत स्वाभिमानी पॅनेलच्या सर्व उमेदवारांना निवडून देऊन ज्या हुक्केरी तालुक्यातील जनतेने आम्हाला अधिकार दिला आहे, त्या जनतेची सेवा करणे हेच आमचे मुख्य उद्दिष्ट आहे.”

यावेळी पीकेपीएस अध्यक्ष काडप्पा कुरबेट, ऍड. के एम बुगडीकट्टी, के एल जिनराळे, सदा बागी, बसगौडा पाटील आणि शिवानंद जिनराळी यांची उपस्थिती होती.