भुवनेश्वरी उत्सव समितीच्या वतीने २४ सप्टेंबर रोजी बेळगावातील कुमार गंधर्व रंगमंदिर येथे भुवनेश्वरी उत्सव आयोजित करण्यात आला आहे. २५ सप्टेंबरला नाटक आणि २६ सप्टेंबरला नृत्य स्पर्धा होणार आहेत.

२४ सप्टेंबर रोजी दुपारी ३ वाजता अभिनेत्री दिव्या करांत यांच्या हस्ते उत्सवाचे उद्घाटन होईल. यावेळी साहित्यिका डॉ. एम. एस. आशादेवी प्रमुख पाहुण्या म्हणून उपस्थित राहणार आहेत, तर आमदार आसिफ सेठ यांचा सत्कार करण्यात येईल. याच दिवशी कर्नाटक भगिनी मंडळातर्फे विविध सांस्कृतिक कार्यक्रमांचे आयोजन करण्यात आले आहे.

नाटक स्पर्धा २५ सप्टेंबरला, तर नृत्य स्पर्धा आणि समारोप सोहळा २६ सप्टेंबर रोजी होणार आहे. या कार्यक्रमांना कन्नड आणि संस्कृती विभागाच्या उपसंचालिका विद्यावती भजंत्री प्रमुख पाहुण्या म्हणून उपस्थित राहतील. यावेळी आमदार अभय पाटील आणि उपमहापौर वाणी जोशी यांचा सत्कार करण्यात येईल.

भुवनेश्वरी उत्सव समितीच्या संस्थापक अध्यक्षा शांता हेगडे, उत्सव अध्यक्षा सुप्रिया देशपांडे, उपाध्यक्षा रंजना नायक, लीला चौगुले, मधुवती मुतालिक देसाई यांच्यासह सर्व पदाधिकारी उपस्थित राहणार आहेत, अशी माहिती सचिव शुभदा कोटूळकर यांनी एका प्रसिद्धीपत्रकात दिली आहे.