बेळगावात दरवर्षीप्रमाणे यंदाही ९८ वा ‘राज्योत्सव’ २२ ते २६ सप्टेंबर या कालावधीत शहराच्या कन्नड साहित्य भवनात आयोजित करण्यात आला आहे, अशी माहिती ‘राज्योत्सव’ चे सरचिटणीस डॉ. सी.के. जोरापूर यांनी दिली.

शुक्रवारी बेळगावमध्ये आयोजित पत्रकार परिषदेत ते बोलत होते. “बेळगावात साजरा होणाऱ्या राज्योत्सवाला एक वेगळाच इतिहास आहे. या महोत्सवात आम्ही सद्यस्थितीतील ज्वलंत प्रश्नांवर विचारमंथन करण्याचे काम करत आहोत, असे त्यांनी सांगितले.

हा महोत्सव २२ ते २६ सप्टेंबर या काळात चालणार आहे. २२ सप्टेंबर रोजी राणी चन्नम्मा विद्यापीठाचे कुलगुरू डॉ. सी.एम. त्यागराज यांच्या हस्ते उद्घाटन होईल. यावेळी खासदार जगदीश शेट्टर आणि डॉ. सिद्धराम स्वामीजी उपस्थित राहतील.

२३ सप्टेंबर रोजी लोककलाकारांचे गायन आणि लोकनृत्य सादर केले जाईल. २४ सप्टेंबर रोजी निवृत्त प्राचार्य डॉ. आर.जी. हेगडे यांचे ‘आजचे शिक्षण धोरण’ या विषयावर व्याख्यान होईल. २५ सप्टेंबर रोजी निवृत्त प्राचार्य एम.एस. यावगाल्ल ‘साहित्यिक आणि सांस्कृतिक आवड’ या विषयावर बोलतील. शेवटच्या दिवशी, २६ सप्टेंबर रोजी कवी संमेलन आणि समारोप समारंभ होईल, ज्यात विविध क्षेत्रांतील व्यक्तींचा सत्कार केला जाईल.