हुक्केरी ग्रामीण विद्युत सहकारी संस्थेच्या निवडणुकीच्या पार्श्वभूमीवर थकबाकीदार ग्राहकांनी मोठ्या प्रमाणात वीज बिल भरले आहे. केवळ दोन दिवसांत संस्थेकडे सुमारे ४४ लाख रुपये जमा झाले आहेत.

या निवडणुकीमध्ये मतदान करण्याचा हक्क मिळवण्यासाठी थकबाकीदार ग्राहकांना ७ सप्टेंबर ही अंतिम मुदत देण्यात आली होती. या मुदतीच्या शेवटच्या दोन दिवसांत ही रक्कम जमा झाली आहे. यात मंत्री सतीश जारकीहोळी आणि रमेश कट्टी या दोन्ही गटांच्या समर्थकांनी आपले थकलेले बिल भरले आहे. विशेष म्हणजे, या थकबाकीदारांमध्ये सतीश जारकीहोळी यांच्या समर्थकांची संख्या जास्त असल्याचे दिसून येत आहे.

संस्थेच्या कार्यालयात बिल भरून अनेकांनी निवडणुकीत उभे राहण्याचा किंवा मतदान करण्याचा हक्क मिळवला आहे. मात्र, मतदार कुणाला मतदान करतील, हे निवडणुकीच्या दिवशीच स्पष्ट होईल.