शहरातील वॉर्ड क्रमांक २५ मधील आझाद नगरचे रहिवासी गेल्या १५ वर्षांपासून मूलभूत सोयीसुविधांपासून वंचित आहेत. रस्ते, गटारे आणि वीज यांसारख्या प्राथमिक गरजांची पूर्तता होत नसल्याने त्यांना प्रचंड त्रास सहन करावा लागत आहे. यासंदर्भात अनेकवेळा लोकप्रतिनिधींकडे तक्रार करूनही कोणतीही कारवाई झालेली नाही, अशी तीव्र नाराजी स्थानिकांनी व्यक्त केली आहे.

यापूर्वी झालेल्या पालिका निवडणुकीच्या आधी लोकप्रतिनिधींनी वॉर्डातील अनेक समस्यांचे निराकरण करण्याचे आश्वासन दिले होते, मात्र निवडणूक संपल्यानंतर अद्यापपर्यंत वॉर्डात कोणत्याही मूलभूत सुविधांचा विकास झाला नाही. समस्या मांडणाऱ्या आमच्याकडे पुन्हा कधीच फिरकून पाहिले नाही, अशा शब्दांत नागरिकांनी नगरसेविका विद्या रावसाहेब ऐहोळे यांच्याविरोधात संताप व्यक्त केला.

गेल्या अनेक दिवसांपासून सुरू असलेल्या पावसामुळे येथील रस्ते पूर्णपणे चिखलाचे झाले आहेत, त्यामुळे लहान मुले आणि वृद्धांना खूप त्रास होत आहे. या चिखलाच्या रस्त्यांमधून शाळेत जाण्यासाठी मुलांना त्रास सहन करावा लागत आहे. संध्याकाळी वीज दिवेही काम करत नाहीत आणि योग्य गटार व्यवस्था नसल्याने वॉर्डातील सर्वांना समस्यांना सामोरे जावे लागत आहे. त्यामुळे तात्काळ खडी टाकून रस्ते सुलभ करावेत, अशी मागणी युवा नेते सलीम अराटाळ, जमील हडगळी आणि इतरांनी केली आहे. “यामुळे तात्काळ खडी टाकून रस्ते सुलभ करावेत,” अशी मागणी सलीम अराटाळ आणि जमील हडगळी यांनी केली.