महाराष्ट्राच्या कोकण भागातील जोरदार पावसामुळे, महाराष्ट्रातील धरणांमधून कर्नाटकात २ लाख २० हजार क्युसेक पाण्याचा विसर्ग सुरू आहे. यामुळे कृष्णा नदीच्या पाणीपातळीत मोठी वाढ झाली असून, पूरस्थिती अधिकच गंभीर झाली आहे.

चिकोडी तालुक्यातील नदीकाठची येडूर, कळ्ळोळ, चंदूर, इंगळी या गावांसह इतर गावांमधील पाणीपातळीत प्रचंड वाढ झाली आहे. नदी पात्र सोडून वाहत आहे. तालुका प्रशासनाने खबरदारी म्हणून नदीकाठी बोटींची व्यवस्था केली असून, नोडल अधिकाऱ्यांची नेमणूक केली आहे. तसेच, बॅरिकेड्स लावून लोकांना नदीच्या जवळ जाण्यापासून रोखण्यासाठी कठोर पावले उचलली आहेत.