बेळगाव जिल्ह्यातील कित्तूर तालुक्यातील दास्तीकोप्प गावात श्रमिका विकास संस्थेतर्फे महिलांसाठी शिवणकाम प्रशिक्षण कार्यक्रमाचे आयोजन करण्यात आले होते.. महिलांनी आर्थिकदृष्ट्या सक्षम होऊन सन्मानाचे जीवन जगावे, या उद्देशाने हे प्रशिक्षण आयोजित करण्यात आले होते.

या कार्यक्रमात कित्तूर परिसरातील अनेक गावांमधील महिलांनी सहभाग घेतला. यामध्ये होसकाद्रोळी, हळेकाद्रोळी, इटगी, तिगडी, मरीकट्टी, संपगावी, देवलत्ती, एमके हुबळी आणि दास्तीकोप्प या गावांचा समावेश होता.  कार्यक्रमादरम्यान सिस्टर लुर्डा यांनी महिलांच्या कायद्यावर आणि मुलांच्या हक्कांवर मार्गदर्शन केले. ‘प्रत्येक महिलेला आपल्या देशातील महिला कायदे आणि हक्कांची माहिती असणे आवश्यक आहे’, असे त्या म्हणाल्या.