मोबाईल चोरीच्या आरोपावरून हासन जिल्हा रुग्णालयाच्या सुरक्षा रक्षकांनी एका तरुणाला अमानुष मारहाण केल्याची धक्कादायक घटना घडली आहे.

पावसात रस्त्यावर पडून तो तरुण वेदनेने विव्हळत असतानाही सुरक्षा रक्षकांनी कोणतीही दया दाखवली नाही. जवळच पोलीस स्टेशन असतानाही त्यांनी पोलिसांना माहिती न देता स्वतःच नैतिक पोलिसांची भूमिका बजावली. आधी त्यांनी खोलीत त्या तरुणाला बेदम मारहाण केली. त्यानंतर त्याला बाहेर ओढून आणून पुन्हा मनसोक्त मारले. या घटनेचा व्हिडीओ प्रचंड व्हायरल झाला असून, या क्रूर कृत्यामुळे संतापाची लाट उसळली आहे.