वडगाव येथील शेती सुधारणा युवक मंडळाच्या वतीने बेळगाव महानगरपालिकेच्या आयुक्तांना वडगाव, बेळगाव येथील तलावांच्या विकासाचे काम शास्त्रोक्त पद्धतीने करण्यात यावे, या मागणीचे निवेदन सादर करण्यात आले.

बेळगाव शेती सुधारणा युवक मंडळाच्या वतीने बेळगाव महानगरपालिकेच्या आयुक्त शुभा बी. याना आपल्या मागणीचे निवेदन देण्यात आले .

वडगाव, बेळगाव येथे तलाव विकासाचे काम हाती घेण्यात आले ही चांगली बाब आहे. मात्र, खोली वाढल्याने व बंधारे बांधल्याने शेतकरी व जनावरे तेथे नेणे कठीण होणार आहे. निवेदन दिल्यानंतर शेतकरी नेत्यांनी सांगितले की, तलावाची खोली वाढल्याने गुरांना पाण्यात नेता येणार नाही.

यावेळी नगरसेवक रवी साळुंके, माजी नगरसेवक मनोहर हलगेकर, बाळकृष्ण यांच्यासह वडगाव शेती सुधारणा युवक मंडळाचे पदाधिकारी व कार्यकर्त्यांचा सहभाग होता.