खानापुरा तालुक्यातील चापगाव ग्रामपंचायत अंतर्गत अल्लेहोळ-हडलगा गावाच्या मध्यभागी बिबट्याचे दर्शन झाले आहे.

रस्त्यालगत रहिवासी भाग असून बिबट्याने हल्ला केला तर त्याला जबाबदार कोण, असा सवाल जनतेतून व्यक्त होत आहे. शेतात कामासाठी शेतकरी जातात. त्यामुळे शेतकऱ्यांमध्ये घबराटीचे वातावरण निर्माण झाले आहे. हेस्कॉम विभागाकडून या भागात अपुरा वीजपुरवठा होत असल्याने शेतकरी नाराजी व्यक्त करत आहेत.अशात या बिबट्याच्या वावरामुळे शेतकऱ्यांमध्ये भीतीचे वातावरण निर्माण झाले आहे. शेतातून परतत असताना शेतकरी परशराम पाटील यांना हा बिबट्या दिसला.

वनविभागाच्या अधिकाऱ्यांनी, हेस्कॉम विभागाच्या अधिकाऱ्यांनी याचा गांभीर्याने विचार करण्याची गरज असून, शेतकऱ्यांना शेतात काम करण्यासाठी ये-जा करावी लागते. अशा परिस्थितीत वन्य प्राण्यांचा धोका टाळण्यासाठी वनविभागाच्या अधिकाऱ्यांनी अधिक लक्ष देण्याची गरज आहे.