राष्ट्रीय रस्ता सुरक्षा जागरुकता मोहिमेच्या पार्श्वभूमीवर रस्ता सुरक्षा – जीवन संरक्षण वॉकथॉन आयोजित करण्यात आली होती.

भारत सरकार आणि कर्नाटक सरकार परिवहन विभाग, बेळगाव जिल्हा प्रशासन, पोलीस विभाग, शिक्षण विभाग, नेहरू युवा केंद्र, भारत स्काउट्स आणि गाईड्स आणि फेडरेशन ऑफ मोटर वाहन प्रशिक्षण शाळा यांच्या संयुक्त विद्यमाने राष्ट्रीय रस्ता सुरक्षा जागरूकता मोहिमेच्या पार्श्वभूमीवर रस्ता सुरक्षा – जीवन संरक्षण या वॉकथॉनचे आयोजन करण्यात आले होते.

यावेळी के.एस.आर.पी. कमांडंट रमेश बोरगावे, भारत स्काउट्स अँड गाईडचे जिल्हा मुख्य आयुक्त गजानन मन्निकेरी, नेहरू युवा केंद्राचे जिल्हा युवा अधिकारी एम. गौतम रेड्डी, N.S.S. जेजीएनडी समन्वय अधिकारी यल्लाप्पा धबाले यांच्या उपस्थितीत अतिरिक्त पोलीस अधीक्षक श्रुती यांनी वॉलकोथनाला चालना दिली.

बेळगावच्या प्रादेशिक परिवहन कार्यालयातर्फे रस्ता सुरक्षा महिना राबविण्यात येत असून पदयात्रेच्या माध्यमातून रस्ता सुरक्षेबाबत जनजागृती करण्यात येत आहे.रस्त्यावरून प्रवास करताना इतरांना त्रास न देता रस्त्याचा वापर करावा, असा संदेश दिला जात आहे. यामध्ये बेळगाव स्काऊट आणि गाईड्सच्या विद्यार्थ्यांचा सहभाग आहे.शिक्षण, अंमलबजावणी आणि अभियांत्रिकी या तीन स्तंभांद्वारे मूलभूत माहिती आणि ज्ञान प्रदान केले जात आहे. तसेच, जागरूकता निर्माण करण्यासाठी विविध स्पर्धांचे आयोजन केले जात आहे, असे प्रादेशिक परिवहन विभागाचे सहआयुक्त एम.पी. ओंकारेश्वरी यांनी सांगितले.

यावेळी बेळगावचे प्रादेशिक परिवहन अधिकारी नागेश मुंडास, डीडीपीआय लीलावती हिरेमठ, बसवराज कडली आदींचा सहभाग होता.
यामध्ये विविध शाळेतील मुलांनी सहभाग घेतला होता.