प्रयागराजच्या कुंभमेळ्याला गेलेल्या बेळगावच्या भाविकांमध्ये आतापर्यंत चार जणांचा मृत्यू झाला असून अनेक जण जखमी झाल्याची माहिती मिळाली आहे. कुंभमेळ्यात बेपत्ता झालेले लोक परत येतील हा विश्वास खोटा ठरला असून, काळाच्या घालाने बेळगावचे चार भाविक कुंभमेळ्याच्या मृत झाले आहेत.

प्रयागराजमध्ये सुरू असलेल्या महाकुंभ मेळ्यात झालेल्या चेंगराचेंगरीत अनेकांचा मृत्यू झाला. तसेच अनेक लोक जखमी झाले आहेत. काही लोक संपर्क येत नसल्याने कुटुंबीयांमध्ये संभ्रम निर्माण झाला आहे. बेळगाव ते प्रयागराज असा प्रवास करून कुंभमेळ्यात सहभागी झालेल्या लोकांमध्ये आतापर्यंत चार जणांचा मृत्यू झाला आहे.

बेळगावमधील वडगाव येथील रहिवासी असलेल्या ज्योती हत्तरवाठ (50) आणि त्यांची मुलगी मेघना हत्तरवाठ या प्रयागराजमध्ये झालेल्या चेंगराचेंगरीदरम्यान बेपत्ता झाल्या होत्या.बेळगावातील कुटुंबीयांशीही संपर्क होऊ शकला नाही. फोन वाजले तरी रिसिव्ह होत नसल्याने घरातील सदस्य काळजीत पडले होते . मात्र आता या दोघांचा मृत्यू झाल्याचे वृत्त समोर आले आहे. पत्नी, मुलगी आणि शेजारी हे चौघे २६ जानेवारीला बेळगावहून प्रयागराजला गेले होते. कालच्या चेंगराचेंगरीनंतर संपर्कात आले नव्हते. मयत ज्योती हत्तरवाठ यांच्या पतीने प्रसारमाध्यमांना माहिती देताना सांगितले कि टीव्हीमध्ये त्यांच्याबद्दलचे वृत्त प्रसारित झाल्यानंतर त्यांना पत्नी आणि मुलीच्या मृत्यूची माहिती मिळाली.

याबाबत माहिती मिळताच दक्षिणचे आमदार अभय पाटील यांनी मृतांच्या कुटुंबीयांची भेट घेऊन त्यांचे सांत्वन केले. वडगाव येथील हत्तरवाठ कुटुंबातील दोन्ही सदस्यांचा मृत्यू झाल्याचे वृत्त आहे.आम्ही उत्तर प्रदेशचे परिवहन मंत्री दयाशंकर शेट्टी यांच्या संपर्कात आहोत. बेपत्ता व्यक्तींची माहिती घेतली जात असल्याचे त्यांनी सांगितले.

खासदार जगदीश शेट्टर यांनी कुटुंबीयांची भेट घेऊन सांत्वना दिली. त्यानंतर प्रसारमाध्यमांशी बोलताना ते म्हणाले की, बेपत्ता व्यक्तीबाबत माहिती घेतली जात आहे.गर्दी कमी झाल्यानंतर माहिती मिळण्याची शक्यता आहे. केंद्र आणि राज्य सरकार या कुटुंबांना मदत करत असल्याचे त्यांनी सांगितले.

बेळगावातील शेट्टी गल्लीतील कांचन कोपर्डे यांना दुखापत झाली. मात्र, त्यांचा नवरा सापडला नाही. आता चेंगराचेंगरीत पती अरुण कोपर्डे यांचा मृत्यू झाल्याची माहिती समोर येत आहे. याची माहिती मिळताच उत्तरचे आमदार आसिफ सेठ यांनी मृतांच्या कुटुंबीयांची भेट घेऊन सांत्वना दिली. कुंभमेळ्याला गेलेल्या बेळगावच्या भाविकांचा मृत्यू झाला आहे. आम्ही मृतांच्या कुटुंबासोबत आहोत. आम्ही त्यांना मदत करण्यास तयार आहोत. यापूर्वीच जिल्हाधिकाऱ्यांशी बोलले आहे.तसेच, विशेष जिल्हाधिकाऱ्यांच्या नेतृत्वाखालील पथके प्रयागराजला पाठवली जातील आणि मृतांचे मृतदेह बेळगावात आणले जातील.याबाबत जिल्हा प्रभारी मंत्र्यांशी चर्चा केली असून मृतांच्या कुटुंबीयांना सरकार 2 लाख रुपयांची भरपाई देत असल्याचेही त्यांनी सांगितले.

अरुण नारायण कोपर्डे आणि त्यांच्या पत्नीने साई रथ ट्रॅव्हल एजन्सीद्वारे प्रयागराजला प्रयाण केले. मात्र, चेंगराचेंगरीत त्यांचा मृत्यू झाला असून त्यांची पत्नी कोपर्डे जखमी झाली असून तिच्यावर रुग्णालयात उपचार सुरू आहेत.मृताच्या कुटुंबीयांना मदत केल्याबद्दल कुटुंबीयांनी आमदार आणि जिल्हा प्रशासनाचे आभार मानले.

तसेच बेळगावच्या छत्रपती शिवाजीनगर येथील महादेवी हणमंत बावनूर या महिलेचाही कुंभमेळ्यात झालेल्या चेंगराचेंगरीत मृत्यू झाला.रविवारी एका ट्रॅव्हल कंपनीच्या वाहनातून 35 ते 45 जण प्रवास करून मंगळवारी प्रयागराजला पोहोचले.मात्र, शाही स्नानादरम्यान त्यांच्या पत्नीचा मृत्यू झाला. असे महादेवी यांचे पती हणमंत बावनूर यांनी सांगितले की,

याबाबत माहिती मिळताच भाजप प्रदेश उपाध्यक्ष माजी आमदार अनिल बेनके यांनी मृतांच्या कुटुंबीयांची भेट घेऊन सांत्वना केली. यासंदर्भात जिल्हाधिकाऱ्यांकडून माहिती घेण्यात आली आहे. ते म्हणाले की, प्रयागराज येथे जाऊन मृतांचे मृतदेह आणण्यासाठी विशेष जिल्हाधिकारी आणि वरिष्ठ पोलिस अधिकाऱ्यांच्या नेतृत्वाखाली एक टीम तयार करण्यात आली आहे.