बेळगावच्या इस्कॉनच्यावतीने 1 व 2 फेब्रुवारी रोजी शहरात हरे कृष्ण रथयात्रा काढण्यात येणार आहे. बेळगाव येथे होणारी ही 27 वी रथयात्रा असल्याची माहिती श्री भक्ती रसमृतस्वामी महाराज यांनी दिली.

आज बेळगावात बोलविण्यात आलेल्या पत्रकार परिषदेत ते बोलत होते. बेळगावच्या इस्कॉनच्यावतीने 1 व 2 फेब्रुवारी रोजी शहरात हरे कृष्ण रथयात्रा काढण्यात येणार आहे.बेळगावात होणारी ही 27 वी रथयात्रा आहे. यानिमित्त टिळकवाडीतील शुक्रवारपेठ येथील इस्कॉन मंदिरामागील मैदानात विविध धार्मिक कार्यक्रम होणार आहेत. दरवर्षी प्रमाणे यंदाही परंपरेनुसार रथयात्रा मोठ्या भक्तिभावाने व उत्साहात पार पडणार आहे. 1 फेब्रुवारी रोजी छत्रपती धर्मवीर संभाजी महाराज सर्कल येथून रथयात्रेला सुरुवात होईल. कॉलेज रोड, शनिवार खुट, गणपत गल्ली, मारुती गल्ली, किर्लोस्कर रोड, रामलिंग खिंड गल्ली पाटील गल्ली,कपिलेश्वर रोड, एसपीएम रोड, खडे बाजार. ते शहापूर, नाथ पै सर्कल, बीएमके आयुर्वेदिक कॉलेज रोड, गोवावेसच्या मार्गे इस्कॉन मंदिराला पोहोचेल, असे त्यांनी सांगितले.