कित्तूर राणी चेन्नम्मा अर्बन, क्रेडिट सौहार्द को ऑपरेटिव्ह लिमिटेड, बैलहोंगलचे अध्यक्ष डॉ. व्ही.एस. साधुंनावर यांच्या विरोधात आज बेळगावात जोरदार निदर्शने करण्यात आली. बेळगावात आलेल्या कित्तूर राणी चेन्नम्मा अर्बन, क्रेडीट सौहार्द को ऑपरेटिव्ह, बैलहोंगलच्या ग्राहकांनी आज एक भव्य निषेध रॅली काढून बेळगाव जिल्हाधिकाऱ्यांमार्फत शासनाला निवेदन दिले.

यावेळी बोलताना डॉक्टरांनी सांगितले कि, कित्तूर राणी चेन्नम्मा अर्बन को ऑपरेटिव्ह बँकेत सुमारे 119 डॉक्टरांनी त्यांच्या ठेवी जमा केल्या आहेत. मुदत संपूनही पैसे परत दिले जात नाहीत. कॉल रिसिव्ह होत नाहीत. त्यांनी आमचा सर्व पैसा त्यांच्या व्यवसायासाठी वापरला आहे. पैसे देण्याऐवजी जागा विकत घेण्यास सांगत असल्याचा आरोप त्यांनी केला.

5-6 वर्षांपूर्वीही असाच गोंधळ झाला होता. मात्र, व्याजदरात वाढ करून अधिक ग्राहकांना आकर्षित केले. सुमारे 500 कोटी रुपयांचे कर्ज बँकेला परत करावे लागणार आहे. ठेवीदारांना व्याजासह पैसे परत केले पाहिजे. महारुद्रप्पा यांनी या सोसायटीचे फसवणूक केलेले अध्यक्ष आणि व्यवस्थापनाला अटक करून त्यांची मालमत्ता जप्त करण्याची मागणी केली.

आता ठेवीची मुदत संपूनही बँक पैसे परत करत नाही. डॉ. साधुंनावर आणि त्यांच्या कुटुंबीयांनी सुमारे 551 कोटी रुपयांचे कर्ज घेतल्याचे वृत्त आहे. पैशाच्या बदल्यात जमीन देऊ, असे ते सांगत आहेत. सर्वसामान्यांची लूट करण्यासाठी अनुकूल कायदा तयार करण्यात आला असून तो त्वरित रद्द करावा. ग्राहकांची फसवणूक करणाऱ्या व्यवस्थापनाला शिक्षा व्हावी, अशी मागणी विजय गौडर यांनी केली.

विविध ठिकाणचे ग्राहक मोठ्या संख्येने सहभागी झाले होते.