कर्ज फेडण्यास उशीर झाल्यामुळे न्यायालयाच्या आदेशानुसार घर जप्त करण्यात आले असून, कडाक्याच्या थंडीत रात्री दीड महिन्याच्या बाळंतिणीने आपल्या तान्हुल्या बाळासह रात्र काढल्याची घटना बेळगाव जिल्ह्यातील मुडलगी तालुक्यातील नागनूर गावात घडली. .

सैदप्पा शंकरप्पा गडादी हे बेळगाव जिल्ह्यातील मुडलगी तालुक्यातील नागनूर गावचे शेतकरी आहेत.
चेन्नईस्थित इक्विटस स्मॉल फायनान्स बँकेतून त्यांनी ५ लाखांचे कर्ज घेतले होते . 18 हप्त्यांमध्ये 3.18 लाख रुपयेही दिले आहेत. गेल्या तीन महिन्यांचे हप्ते भरण्यासाठी त्यांनी फायनान्स कर्मचाऱ्यांना पैसेही दिले होते.

मात्र, पैसे मिळाल्यानंतर फायनान्स कर्मचाऱ्यांनी हप्ता पूर्ण केला नसल्याचा आरोप सैदप्पा यांनी केला आहे.
हप्ते न भरल्यामुळे बँकेचे कर्मचारी कोर्टात गेले होते. कोर्टाच्या निर्देशानुसार रात्री घर सील केले गेले. बाळंतीणीसह कुटुंबातील पाच जणांनी घरासमोर कडाक्याच्या थंडीत रात्र काढली.