दलित नेते उदय हुक्केरी म्हणाले की, केंद्रीय गृहमंत्री अमित शहा यांनी संसदेत आंबेडकरांबाबत केलेले वक्तव्य हे संघ परिवाराचे वक्तव्य आहे.  आज हुक्केरी शहरात आंबेडकर युवक मंडळ व विविध दलित संघटनांच्या युवकांनी आयोजित केलेल्या निषेध सभेत ते बोलत होते.

आंदोलकांनी शहरातील अडविसिद्धेश्वर मठाच्या प्रांगणातून केंद्रीय मंत्री अमित शहा यांच्या विरोधात जोरदार घोषणाबाजी करत कोर्ट सर्कलजवळ काही काळ रास्ता रोको करून अमित शहा यांच्या पुतळ्याचे दहन केले.
दलित नेते उदय हुक्केरी यांनी नंतर प्रसारमाध्यमांशी बोलताना सांगितले की, संसदेत केंद्रीय मंत्री अमित शाह यांनी केलेल्या अपमानास्पद शब्दांचा देशातील जनता निषेध करते, अमित शहा यांच्यावर गुन्हा दाखल करून त्यांना केंद्रीय मंत्रिमंडळातून काढून टाकावे, अशी मागणी त्यांनी केली.

यावेळी नगरपरिषद सदस्य सदाशिव करप्पगोळ, केम्पण्णा कल्लन्नवर, सोनू कांबळे, प्रज्वला हुक्केरी, विशाल दिनीमणी, प्रज्वला माळगे, सुमित हरिजन, संभ्रम चिन्नीकुप्पी, किरण मादर , दीपक अर्जुनवर, केम्पण्णा शिरहट्टी, भाऊ पंद्रे आदी उपस्थित होते.