विजयपुर जिल्ह्यातील इंडी मतदारसंघाचे आमदार यशवंतराय गौड पाटील यांनी मुख्यमंत्री सिद्धरामय्या यांना इशारा देत म्हटले की, मुख्यमंत्री सिद्धरामय्यानी ज्यांना वचन दिले होते, त्यांना विसरू नये.”

मंत्रीमंडळ विस्ताराच्या संदर्भात विजयपुर शहरात प्रतिक्रिया देताना आ . यशवंतराय गौड पाटील म्हणाले कि , मंत्रीमंडळ पुनर्रचना करताना, मुख्यमंत्री सिद्धरामय्या यांनी दिलेल्या वचनांना लक्षात ठेवूनच निर्णय घेतील. त्यांनी स्पष्टपणे सांगितले की, “पक्षाने जे वचन दिले आहे, त्याप्रमाणे तीन जणांना समान अधिकारांसह मंत्रालय मिळावे,” असे सांगितले.

निवडणुकीआधी आम्हाला , तीन जणांनाही (एम. बी. पाटील, शिवानंद पाटील, यशवंतराय गौड पाटील) चांगले काम करा असे सांगण्यात आले होते. तीन जणांसाठी समान अधिकाराचे वचन दिले होते. याचे स्मरण ठेवूनच मंत्रीमंडळ पुनर्रचना करतील असा विश्वास आहे,” असे यशवंतराय गौड पाटील म्हणाले. ते म्हणाले की, “आम्हाला मंत्रीपद न मिळाल्यामुळे आमचा वचनभंग होईल, असे वाटते; पण आम्ही सर्व काही सहन करू, कारण आम्ही प्रगल्भ राजकारणी आहोत. आमच्याकडे संयम आहे.”

राजकारण आज सैद्धांतिक आदर्शांपासून दूर जाऊन फक्त लोकप्रियतेच्या शर्यतीत परिवर्तित झाले आहे. प्रत्येक पक्ष आज वास्तविकतेपासून दूर जाऊन राजकारण करत आहे,” अशी कठोर टीका यशवंतराय गौड पाटील यांनी केली. “पण विकासाच्या बाबतीत, गॅरंटी योजनांनी गरीबांच्या जीवनात परिवर्तन आणलं आहे. आमच्या शेजारील राज्यात ही गॅरंटी योजना लागू केली जात आहे. जी योजना आम्ही लागू केली ती आज विरोध करणारे पक्षही मान्य करत आहेत,” असे ते म्हणाले.

माझा विश्वास आहे की, प्रत्येक राजकारण्याने लोकांच्या हिताचा विचार करावा आणि त्यावर आधारित योजनांचा विकास करावा. फक्त लोकप्रिय योजना दिल्या आणि लोकांच्या मतांसाठी त्यांचा वापर करणे हे योग्य नाही,” असे यशवंतराय गौड पाटील यांनी मार्मिकपणे सांगितले. “आणि हो, जे दिला आहे, ते वचन कायम ठेवणे हे आमचं कर्तव्य आहे,” असे ते म्हणाले.