विजापूर शहराचे आमदार बसनगौडा पाटील यत्नाळ यांच्या नेतृत्वाखाली वक्फ जमिनीवरील अतिक्रमणाविरोधात लढा उभा राहिला आहे. त्यांच्या संघाने दिल्लीत केंद्रीय संयुक्त संसदीय समितीचे अध्यक्ष जगदंबिका पॉल यांची भेट घेत या जनजागृती लढ्याचा अभ्यास अहवाल सादर केला.

विजापूर शहराचे आमदार बसनगौडा पाटील यत्नाळ यांच्या नेतृत्वाखाली “वक्फ जमिनीवरील अतिक्रमणाविरोधी जनजागृती लढा” या संघाने अभ्यास अहवाल तयार केला. हा अहवाल दिल्लीतील केंद्रीय संयुक्त संसदीय समितीचे अध्यक्ष जगदंबिका पॉल यांच्यासमोर सादर करण्यात आला. अहवालामध्ये विविध उदाहरणांसह सविस्तर माहिती देण्यात आली. यावेळी अहवाल सविस्तरपणे सादर करून या मुद्द्यावर त्वरित पावले उचलण्याची मागणी करण्यात आली.

यावेळी अध्यक्ष जगदंबिका पॉल यांनी सकारात्मक प्रतिसाद देत कर्नाटक राज्यातील मुख्य सचिव आणि संबंधित अधिकाऱ्यांना समितीसमोर हजर राहण्याचे निर्देश देऊन प्रकरणाची चौकशी करून न्याय देण्याचे आश्वासन दिले.

या भेटीत माजी मंत्री आणि गोकाक विधानसभेचे आमदार रमेश जारकीहोळी, माजी केंद्रीय मंत्री जी.एम. सिद्धेश्वर, माजी मंत्री अरविंद लिंबावळी, कुमार बंगारप्पा, माजी खासदार बी.व्ही. नायक, हरिहर विधानसभेचे आमदार बी.पी. हरीश, जेडीएस नेते एन.आर. संतोष, रवी बिरादार आणि भारत हे उपस्थित होते.