तूर पिकांच्या नुकसानीसाठी योग्य भरपाई देण्याची मागणी करत, आज मुधोळमध्ये भाजप शेतकरी मोर्चाच्या नेतृत्वाखाली शेतकऱ्यांनी भव्य आंदोलन केले. अध्यक्ष ए. एस. पाटील नडहळ्ळी यांच्या नेतृत्वात झालेल्या या आंदोलनात शेतकऱ्यांनी आपली व्यथा मांडली.

मुधोळच्या बिदरकुंदी क्रॉसपासून सहाय्यक कृषी संचालकांच्या कार्यालयापर्यंत शेतकऱ्यांनी भव्य मोर्चा काढून आपला रोष व्यक्त केला. या आंदोलनपूर्व झालेल्या सभेत शेतकऱ्यांच्या विविध समस्यांवर चर्चा करण्यात आली. तूर पिकांच्या नुकसानीमुळे संकटात सापडलेल्या शेतकऱ्यांना त्वरित मदत देण्याची मागणी यावेळी करण्यात आली.

यावेळी बोलताना भाजप शेतकरी मोर्चा अध्यक्ष ए. एस. पाटील नडहळ्ळी म्हणाले, “तूर पिकांच्या नुकसानीमुळे शेतकरी अडचणीत आहेत. योग्य भरपाई आणि तातडीने मदतीसाठी शासनाने ठोस पावले उचलावीत. यावेळी त्यांनी शेतकऱ्यांच्या पाठीशी उभे राहण्याची ग्वाही दिली.

या आंदोलनात भाजप शेतकरी मोर्चाचे अध्यक्ष गुरुलिंगप्पा अंगडी, शेतकरी नेते, स्थानिक कार्यकर्ते आणि मोठ्या संख्येने शेतकरी सहभागी झाले होते.