घरात शांतपणे आपल्या कुटुंबीयांसोबत वेळ घालवत असलेल्या एका छोट्या रिअल इस्टेट व्यावसायिकाची घरात घुसून हत्या केल्याची घटना धारवाड परिसरात घडली आहे. पोलिस ठाण्याच्या अवघ्या १०० मीटर अंतरावरच घडलेल्या या घटनेने संपूर्ण गाव हादरले आहे.
GFX STARTS

धारवाडच्या गरग गावात रिअल इस्टेट व्यावसायिकाची पूर्व वैमनस्यातून हत्या…
भर दुपारी गरग गावातील घरात घुसून रिअल इस्टेट व्यावसायिकाची निर्घृण हत्या
पोलिस ठाण्याच्या अगदी जवळच घडलेल्या हत्येच्या बातमीने गरग गावातील स्थानिक भयभीत
GFX ENS

या छायाचित्रात दिसणाऱ्या व्यक्तीचे नाव गिरीश रामणगौडर आहे, वय अंदाजे ४३ वर्षे. गिरीश हे धारवाड तालुक्यातील गरग गावचे रहिवासी होते. ते सध्या गरग पोलिस ठाण्याच्या हद्दीत असलेल्या भाड्याच्या घरात राहत होते. त्याच घराजवळच ते स्वतःचे नवीन घर बांधण्याचे काम करत होते. आज सकाळी श्री मडीवज्ज मठात दर्शन घेतल्यानंतर ते दुपारी घरी परतले आणि थोडा वेळ विश्रांती घेत होते. त्यावेळी घरात कोणीही नव्हते. मुलं शाळेत गेली होती. याचा गैरफायदा घेत काही अज्ञात हल्लेखोरांनी गिरीश यांच्यावर प्राणघातक शस्त्रांनी हल्ला केला. हल्ल्यानंतर तेथून पळ काढला.

दुपारी मुलगी शाळेतून घरी परतल्यावर तिला वडिलांचा रक्ताच्या थारोळ्यात मृतदेह आढळला. ती तातडीने कुटुंबीयांना याची माहिती देण्यासाठी फोन केला. घटनेची बातमी गावात पसरताच स्थानिकांत भीतीचे वातावरण निर्माण झाले आहे.

गिरीश यांचा स्वभाव शांत होता. त्यांचा कोणाशी वाद होत नव्हता, असे त्यांच्या भावाने सांगितले. मात्र, अलिकडेच किरकोळ वाद झाल्याचे त्यांनी नमूद केले. गिरीश रिअल इस्टेट व्यवसायात कार्यरत होते. त्यांच्या पश्चात तीन लहान मुले आहेत. पोलिस ठाण्याच्या अवघ्या १०० मीटर अंतरावर घडलेल्या या घटनेमुळे गावातील नागरिक हादरले आहेत. विशेष म्हणजे, गिरीश यांची सून जिल्हा पोलिस अधीक्षक कार्यालयात नोकरी करत आहे.

घटनेची माहिती मिळताच गरग पोलिस ठाण्याचे अधिकारी घटनास्थळी दाखल झाले. जिल्हा पोलिस अधीक्षक डॉ. गोपाळ ब्याकोड यांनीही घटनास्थळी भेट देत तपासकार्याला गती दिली.

गिरीश यांच्या हत्येमागील कारण अद्याप अस्पष्ट आहे. मात्र, पोलिसांनी जुन्या वैमनस्यावर संशय व्यक्त केला आहे. तपासासाठी श्वान पथक आणि बोटांचे ठसे तज्ज्ञांचे पथक घटनास्थळी दाखल झाले आहे. गरग पोलिस ठाण्यात या प्रकरणी गुन्हा दाखल करण्यात आला असून, हत्येची खरी कारणं आरोपींना अटक झाल्यावरच उघड होतील.

मंजूनाथ डी, इन न्यूज, धारवाड