टिप्परला वीजभारीत तारेचा स्पर्श झाल्याने , चालकाचा मृत्यू झाल्याची घटना चिक्कोडी शहरातील हिरेकुडी रस्त्यावर घडली.

चिक्कोडी शहराच्या हद्दीतील हिरेकुडी येथील रॉयल लेआउट येथे रात्री एक वाजण्याच्या सुमारास आनंद ईश्वर केस्ती (२९) हा टिप्पर वाहनात काम करत असल्याची माहिती मिळाली आहे. त्याचवेळी ले-आऊटमधील हेस्कॉमच्या वीजभारीत विद्युत तारेचा धक्का बसल्याने चालकाचा मृत्यू झाला.

ले-आऊटमधील वीजवाहिन्या केवळ 8 ते 10 फूट उंच आहेत. या ले-आऊटमध्ये हेस्कॉमने कोणतीही परवानगी घेतलेली नाही. ही घटना हेस्कॉम आणि ले-आऊट मालकाच्या चुकीमुळे घडली असून, त्यांच्यावर एफआयआर दाखल करून न्याय द्यावा, अशी मागणी मृताच्या कुटुंबीयांनी केली आहे. मयत आनंदला पत्नी व दोन लहान मुले असून त्यांची परिस्थिती गरीब आहे.

याप्रकरणी चिक्कोडी पोलिसांनी तपास सुरू केला आहे