एससीएसटी विद्यार्थ्यांना वसतिगृह उपलब्ध करून न देता गैरसोय करणाऱ्या बेळगाव समाजकल्याण विभागाच्या अधिकाऱ्याची बदली करावी, या मागणीसाठी युवा कर्नाटक भीमसेना युवा शक्ती संघाच्या वतीने समाज कल्याण विभागासमोर आंदोलन करण्यात आले.

युवा कर्नाटक भीमसेना युवा शक्ती संघाच्या वतीने आज बेळगाव मधील समाज कल्याण विभागाच्या कार्यालयासमोर आंदोलन करण्यात आले.

यावेळी बोलताना असोसिएशनचे प्रदेशाध्यक्ष प्रवीण मादार म्हणाले की, बेळगावचे समाजकल्याण विभागाचे अधिकारी महांतेश चिवटगुंडी हे एससीएसटी विद्यार्थ्यांना वसतिगृह उपलब्ध करून देण्यात टाळाटाळ करत आहेत. एससीएसटी विद्यार्थ्यांना त्रास देणाऱ्या या अधिकाऱ्याची तत्काळ अन्यत्र बदली करावी, अशी मागणी त्यांनी केली.

यावेळी युवा कर्नाटक भीमसेना युवा शक्ती संघाचे पदाधिकारी व कार्यकर्त्यांचा सहभाग होता.