खानापूर नगर पंचायतसाठी इसाक खान पठाण यांच्यासह आणखी दोन जणांची नामनिर्देशित सदस्य म्हणून निवड केली असून, याबाबतचे आदेश सरकारकडून जारी करण्यात आले आहेत.

खानापूर नगर पंचायतसाठी नियुक्त करण्यात आलेल्या सदस्यांमध्ये काँग्रेस पक्षाचे कार्यकर्ते इसाक खान पठाण, अभिषेक होसमनी आणि रुपाली नाईक यांचा समावेश आहे. या नियुक्तीची शिफारस खानापूरच्या माजी आमदार आणि एआयसीसीच्या सरचिटणीस डॉ. अंजली निंबाळकर आणि जिल्ह्याचे पालकमंत्री सतीश जारकीहोळी यांनी केली होती.

नवीन नामनिर्देशित सदस्यांनी नगराच्या विकासासाठी कटीबद्ध राहून कार्य करण्याचे वचन दिले आहे. सरकारकडून या नियुक्तीची अधिकृत सूचना जारी करण्यात आली असून, यामुळे स्थानिक पातळीवर पुढील विकासाची अपेक्षा व्यक्त केली जात आहे.