विधान परिषद सदस्य चन्नराज हट्टीहोळी यांच्या वाढदिवसानिमित्त त्यांच्या निवासस्थानी शुभेच्छांचा वर्षाव झाला. चाहत्यांसह कार्यकर्ते, अधिकारी आणि हितचिंतकांनी मोठ्या संख्येने उपस्थित राहून शुभेच्छा दिल्या.

वाढदिवसानिमित्त विधान परिषद सदस्य चन्नराज हट्टीहोळी यांच्या निवासस्थानी शुभेच्छांचा वर्षाव झाला.. सकाळपासूनच त्यांच्या निवासस्थानी चाहत्यांची गर्दी पाहायला मिळाली. अनेकांनी स्वतः केक घेऊन येत हट्टीहोळी यांच्या हस्ते केक कापून आनंद साजरा केला. उपस्थित कार्यकर्त्यांनी व हितचिंतकांनी आपल्या नेत्याला शुभेच्छा देत त्यांच्या प्रगतीसाठी प्रार्थना केली.

हजारो लोकांच्या या भेटीने भावनिक झालेले चन्नराज हट्टीहोळी बोलताना म्हणाले, जनतेचे प्रेम आणि विश्वास हेच आमचे बलस्थान आहे. या विश्वासाला तडा जाऊ न देता, जनतेसाठी सतत कार्यरत राहू, असे त्यांनी सांगितले.