केंद्रिय मंत्री प्रल्हाद जोशी यांनी सिद्धरामय्या आणि काँग्रेसवर गंभीर आरोप करत गेल्या वेळेस भाजपने सरकार बनवताना काँग्रेसनेच आमदार पाठवून सरकार पाडण्याचा प्रयत्न केला होता. त्यामुळे यावर बोलण्याची नैतिकता काँग्रेसकडे नाही, अशी टीका त्यांनी केली.

प्रल्हाद जोशी यांनी आज हुबळीत एका पत्रकार परिषदेत बोलताना म्हटले की, गेल्या वेळेस काही काँग्रेस आमदारांना सिद्धरामय्यांनी पाठवले होते. त्यांना सत्तेवर राहण्यासाठी आवश्यक नैतिकता नव्हती. यामुळेच आम्ही सरकार निर्माण केले होते. मात्र, यावेळी त्यांच्याकडे बहुमत असल्याने आम्ही विरोधी पक्ष म्हणून काम करण्याचा निर्णय घेतला आहे.

प्रल्हाद जोशी पुढे म्हणाले, काँग्रेसनेच कर्नाटकातील मुख्यमंत्री कुमारस्वामींना थांबविण्यासाठी हे आमदार पाठवले होते. त्यांनी रवि गाणिग यांना 100 कोटींच्या ऑफरबाबत पुरावे असल्यास ते जाहीर करावे, असे आव्हान दिले. केंद्र सरकार निश्चितच योग्य कारवाई करेल, असेही त्यांनी म्हटले. सिद्धरामय्या आता फक्त दिशाभूल करण्यासाठी बोलत आहेत. जर पुरावे असतील तर ते सिद्ध करावेत, असे आव्हान प्रल्हाद जोशींनी दिले.

जोशी यांनी असेही नमूद केले की, हे आरोप फक्त त्यांच्या कमकुवत बाजूंना झाकण्यासाठी करण्यात येत आहेत. पूर्वीही रवि गाणिग यांनी असेच काही वक्तव्य केले होते आणि आता पुन्हा तेच बोलून विरोध करत आहेत.