अथणी येथे फार्म हाऊसमध्ये दाम्पत्याचा मृतदेह आढळून आल्याने अनेक तर्कवितर्क लढवले जात आहेत . ही आत्महत्या नसून हत्या असल्याचा संशय एसपी डॉक्टर भीमा शंकर गुळेद यांनी व्यक्त केला आहे.

अथणी तालुक्यातील मदभावी रोडवरील चौहान फार्म हाऊस येथे नानासाहेब बाबू चौहान (58) आणि जयश्री नानासाहेब चौहान (50) यांचे मृतदेह आढळून आले असून गुरुवारी घटनास्थळाची पाहणी करण्यात आली. यापैकी एकावर आरोप असल्याने तुरुंगात जावे लागेल कि काय या भीतीने तसेच दुसऱ्याने घाबरून आत्महत्या केली असावी असा संशय व्यक्त केला जात होता ..

मात्र पोलिसांनी कुलूप तोडून तपासणीसाठी प्रवेश केला असता खुनाचा संशय व्यक्त करण्यात आला. याप्रकरणी गुन्हा दाखल करण्यात आला असून शवविच्छेदन करून मृतदेह कुटुंबीयांच्या ताब्यात देण्यात आला आहे. याप्रकरणी पुढील तपास सुरू असल्याची माहिती त्यांनी दिली.