जुन्या भांडणातुन तरुणाची तीक्ष्ण हत्यारांनी भोसकून निर्घृण हत्या केल्याची घटना बैलहोंगल शहरातील आश्रय वसाहतीतील शाळेच्या मैदानात घडली.

रवी तीम्मन्नावर (23) असे खून झालेल्या तरुणाचे नाव असून तो बैलहोंगल शहरातील आश्रय कॉलनी येथील रहिवासी होता . रात्री उशिरा त्याला विळा आणि बिअरच्या बाटलीने मारहाण करण्यात आली. तरुणावर 13 हून अधिक हल्लेखोरांनी हल्ला केला.

या हल्ल्यात गंभीर जखमी झालेल्या तरुणाला स्थानिक शासकीय रुग्णालयात उपचारासाठी दाखल करण्यात आले . उपचार कुचकामी ठरल्याने रक्ताच्या थारोळ्यात बेशुद्ध पडलेल्या तरुणाचा मृत्यू झाला.

रात्री उशिरा घडलेला वाद विकोपाला जाऊन , खून झाला . घटनेच्या ठिकाणी बैलहोंगल पोलिसांनी भेट देऊन पाहणी केली . बैलहोंगल पोलीस स्थानकाच्या व्याप्तीत ही घटना घडली आहे .