मुडलगी तालुक्यातील अरभावी नगरपंचायतीच्या सुमारे 20-22 शेतकऱ्यांच्या 32 एकर 20 गुंठे जमिनीच्या पाहणीत वक्फ नावाचा समावेश केल्याचा निषेध करत आज बेळगाव जिल्हाधिकारी कार्यालयासमोर शेतकऱ्यांच्या वतीने आंदोलन करण्यात आले.

मुडलगी तालुक्यातील अरभावी नगरपंचायतीच्या अखत्यारीतील 32 एकर 20 गुंठे जमीन वक्फच्या नावावर करण्यात आली असल्याचे निदर्शनात आले असून या विरोधात आज निषेध नोंदवत सदर जमिनीवरील वक्फचे नाव हटविण्यात यावे अशी मागणी करणारे निवेदन सोमवारी येथील शेतकऱ्यांनी जिल्हाधिकाऱ्यांना दिले.

मूडलगी तालुक्यातील रायप्पा कट्टीकर यांच्यासह सुमारे २०-२२ शेतकऱ्यांच्या जमिनी वक्फच्या मालकीची असल्याची नोटीस तहसीलदारांनी दिली आहे. हे गॅझेट जिल्हा प्रशासनाने मागे घ्यावे. पिढ्यानपिढ्या आपण ही शेतजमीन नांगरून उपजीविका करतो. वक्फ मालमत्ता असा अचानक उल्लेख करणे योग्य नाही. सरकारने आपली भूमिका तात्काळ सोडली नाही तर शेतकरी संघटना राज्यभर आंदोलन करतील, असा इशारा त्यांनी दिला.

यावेळी गणेश इंगळेर, मत्तेप्पा हळ्ळूर , अण्णाप्पा हळ्ळूर, यमनाप्पा खानाप्पागोळ , पुंडलिक कट्टीकर आदींचा सहभाग होता.