अलणावर तालुक्यातील कोगीलगेरी गावात बिबट्याने गावात प्रवेशच केला नाही तर घरासमोर पाळीव कुत्र्याचा बळी घेतल्याची घटना रविवारी रात्री उशिरा उघडकीस आली.

बिबट्याचा हा धुमाकूळ सीसीटीव्हीत कैद झाल्याने ग्रामस्थ हादरले. धारवाड जिल्ह्यातील अलणावर तालुक्यातील कोगीलगेरी गावात संगमेश धुपदाळ यांच्या घराजवळ बिबट्या दिसला आहे. बिबट्याने पाळीव कुत्र्यावर हल्ला करून कुत्र्याला खाऊन टाकले. संगमेश यांच्या घराजवळील सीसीटीव्हीमध्ये बिबट्याच्या हल्ल्याचे फुटेज कैद झाले आहे.

या घटनेने ग्रामस्थ भयभीत झाले असून त्यांनी स्थानिक अलणावर पोलिसांसह वनविभागाच्या अधिकाऱ्यांना माहिती दिली आहे.