धारवाड तालुक्यातील कृषी उत्पन्न बाजार समिती केंद्रात आज मूग खरेदी-विक्रीला चालना देण्यात आली.

मृत्युंजय मार्केटमधील तालुका कृषी उत्पन्न बाजार समिती सहकारी संघाच्या केंद्रात मूग खरेदीला अधिकृतरीत्या संघाचे अध्यक्ष रामण्णा कणाजी, उपाध्यक्ष शंकर पट्टणशेट्टी यांच्याहस्ते चालना देण्यात आली.

यावेळी बोलताना अध्यक्ष रामण्णा कणाजी बोलताना म्हणाले, कृषी उत्पन्न बाजार समितीमध्ये उत्तम दर्जाचे मूग उपलब्ध झाले आहेत. शेतकऱ्यांनी अशाचपद्धतीने उत्तमप्रतीचे मूग खरेदीसाठी उपलब्ध करून द्यावेत, यंदा धारवाड तालुक्यात उत्तम पीकपाणी झाले आहे. यामुळे मुगाचे उत्पादन मुबलक प्रमाणात घेण्यात आले आहे. सरकारने मूग खरेदी केंद्राला चालना दिली असून तालुक्यातील शेतकऱ्यांनी संघाच्या कार्यालयात मूग खरेदीसाठी दाखल करावेत, असे आवाहन त्यांनी केले.

यावेळी संघाचे पदाधिकारी आणि शेतकरी उपस्थित होते.