वीरशैव आणि लिंगायत धर्म एकच आहे. याबाबत कोणतेही मतभेद किंवा संभ्रम नसावा, असे निवृत्त पोलीस अधिकारी शंकर बिदरी यांनी सांगितले.

लिंगायत भवन, धारवाडच्या 142 व्या वर्धापन दिनानिमित्त सेवानिवृत्त पोलीस अधिकारी शंकर बिदरी यांचा सत्कार करण्यात आला.

यावेळी बोलताना ते म्हणाले, लिंगायत समुदाय सर्वत्र एकच आहे. वीरशैव लिंगायतासारखा उदात्त कोणताही धर्म नाही. बसवण्णा यांच्या विचारांवर देशाचे आजवरचे सर्व पंतप्रधान बोलत आले आहेत. लिंगायत समाजाचे व्यक्ती मुख्यमंत्री झाले म्हणजे समाजाची लोकसंख्या वाढली असे नाही.

यासाठी एक दृष्टीकोन आणि प्रत्येकाकडे समान भावनेने पाहणारी संस्कृती हवी. सर्वांकडे समानतेने पाहणारा नेता असेल तरच समाज मोठा होतो अशी प्रतिक्रिया त्यांनी यावेळी व्यक्त केली.