बेळगाव जिल्ह्यात जेडीएस पक्ष तळागाळापर्यंत संघटित व्हावा आणि पक्षासाठी काम केलेल्या कार्यकर्त्यांची ओळख व्हावी यासाठी पक्ष सदस्यत्व मोहीम सुरू करण्यात आली आहे, अशी माहिती जेडीएस नेते आनंद अस्नोटकर यांनी दिली.

बेळगावमध्ये बोलाविण्यात आलेल्या पत्रकार परिषदेत बोलताना जेडीएसचे नेते आनंद अस्नोटकर म्हणाले की, येत्या काही दिवसांत बेळगाव जिल्ह्यातील 18 विधानसभा मतदारसंघात जेडीएसचे 8 हून अधिक आमदार निवडून आणण्यासाठी प्रयत्न करण्यात येत असून पक्षाला मजबूत करण्यासाठी सदस्यत्व मोहीम सुरू करण्यात येणार आहे. कुमारस्वामी आणि देवेगौडा यांचे हात बळकट करण्यासाठी आपण सर्वांनी परिश्रम घेतले पाहिजे आणि सदस्यत्व अभियानातून पक्ष संघटित केला पाहिजे, असे ते म्हणाले.

पत्रकार परिषदेला जेडीएस नेते आनंद अस्नोटकर, माजी आमदार वीरभद्रप्पा, जेडीएसचे जिल्हाध्यक्ष शंकर मूडलगी, प्रमोद पाटील आणि जेडीएस नेते उपस्थित होते.