नरेंद्र मोदी यावेळी पाच वर्षे पूर्ण करणार नाहीत, असे भाकित मुख्यमंत्री सिद्धरामय्या यांनी केले आहे

बेंगळुरू येथे पत्रकार परिषदेत बोलताना, सीएम सिद्धरामय्या यांनी देशातील राजकीय घडामोडी पाहता मोदी यावेळी त्यांचा पूर्ण कार्यकाळ पूर्ण करतील यावर शंका व्यक्त केली. नितीश कुमार आणि चंद्राबाबू नायडू यांनी केंद्र सरकारसोबत जास्त काळ राहणार नसल्याचे ते म्हणाले.

इंदिरा गांधी आणि राजीव गांधी देशासाठी हुतात्मा झाले. अशा उच्च बलिदानाच्या कुटुंबातून आलेले राहुल गांधी सतत देशासाठी लढत आहेत. इंदिरा गांधींसोबत जे झाले ते तुमच्यासोबतही होईल, अशी धमकी भाजपने राहुल यांना दिली आहे. हे सहन केले जाणार नाही, असे म्हणत मुख्यमंत्री सिद्धरामय्या यांनी भाजपवर घणाघात केला.

केंद्रीय रेल्वे राज्यमंत्र्यांनी राहुल गांधींना दहशतवादी म्हणून संबोधले आहे. शिवसेनेचे शिंदे गटाचे आमदार संजय गायकवाड यांनी राहुल गांधींची जीभ कापणाऱ्यांना 11 लाखांचे बक्षीस देऊ करत राहुल गांधींची जीभ कापण्याची मागणी केली आहे. ही देखील जीवे मारण्याची धमकी आहे. त्यामुळे संजय गायकवाड यांच्यावर फौजदारी गुन्हा दाखल करून त्यांना तुरुंगात पाठवण्याची मागणी मुख्यमंत्र्यांनी केली.

उत्तर प्रदेशातील एका मंत्र्याने राहुल गांधी हे देशाचे नंबर वन दहशतवादी असल्याचे वक्तव्य केले आहे. मात्र आजपर्यंत ना भाजप पक्षाने, ना भाजप सरकारने, ना केंद्र सरकारने कठोर कारवाई केली आहे. याप्रकरणी गुन्हा दाखल करण्याची नितांत गरज आहे. भाजपविरोधात आंदोलन करणाऱ्या काँग्रेस कार्यकर्त्यांना गाडून टाकण्याची धमकी संजय गायकवाड यांनी पुन्हा दिली. भाजप राहुल गांधींच्या हत्येचा कट रचत असून, त्यांना राजकीयदृष्ट्या मारण्याचा भाजपचा कट आहे. राहुल गांधींच्या जीवाला धोका निर्माण करणाऱ्या सर्वांवर फौजदारी गुन्हा दाखल करून त्यांना तत्काळ अटक करण्यात यावी, अशी मागणी मुख्यमंत्र्यांनी केली.