कागवाड विधानसभा मतदार संघातील संबरगी गावात 172 लाभार्थ्यांना घरकुल बांधण्यासाठी आमदार राजू कागे यांनी मंजुरीचे पत्र दिले.

शुक्रवारी संबरगी ग्रामपंचायत कार्यालयात ग्रामपंचायत अध्यक्षा विजयालक्ष्मी मल्लिकार्जुन दलवाई यांच्या अध्यक्षतेखाली झालेल्या बैठकीत 172 जणांना घर मंजुरीचे पत्र देण्यात आले. आमदार राजू कागे म्हणाले की, 190 घरे मंजूर झाली असून त्यापैकी 172 जणांना मंजुरीचे पत्र देण्यात आले आहे. उर्वरित लोकांना माहिती देण्याचे आदेश देईन, असे सांगून सरकारने दिलेल्या पैशातून पक्के घर बांधणे अशक्य आहे. तुम्ही थोडे पैसे वापरा आणि चांगली घरे बांधा, असे सांगितले.

ग्रामपंचायत विकास अधिकारी दर्यापा ठुगली यांनी सर्वांचे स्वागत करून शासनाने घरे मंजूर करण्याबाबत काढलेल्या आदेशाची माहिती आमदार व सदस्यांना दिली.

उद्योजक रावसाहेब ऐहोळे, माजी जिल्हा पंचायत सदस्य विनायक बागडी, मल्लिकार्जुन दलवाई, उपाध्यक्ष अशोक माने, सदस्य आप्पासाहेब म्हैसाळ, विठ्ठल गस्ती, सतीश शिंदे, मिथुन कांबळे, मुत्तण्णा पाटील,कडगौडा पाटील यांच्यासह सर्व निवडून आलेले सदस्य व गावातील ग्रामस्थ सहभागी झाले होते.