काम करताना संयम, वक्तशीरपणा आणि शिस्त शिकली पाहिजे, असे मत ज्येष्ठ पत्रकार पी.के. बडिगेर यांनी व्यक्त केले.

कॅनरा बँक ग्रामीण स्वयंरोजगार प्रशिक्षण संस्था सभागृह, बेळगाव येथे छायाचित्रण व व्हिडिओग्राफी प्रशिक्षण समारोप कार्यक्रमाचे उद्घाटन ज्येष्ठ पत्रकार छायाचित्रकार पी. के. बडिगेर यांच्याहस्ते करण्यात आले.

कार्यक्रमाचे उद्घाटन केल्यानंतर बोलताना ज्येष्ठ पत्रकार पी.के.बडिगेर म्हणाले की, सध्या फोटोग्राफीच्या नोकऱ्यांना अधिक महत्त्व दिले जात असल्याने त्यांनी प्रशिक्षणात आत्मसात केलेल्या कौशल्यांचा उपयोग करून घेतला पाहिजे. नजीकच्या काळात फोटोग्राफी आणि व्हिडीओग्राफीमध्ये आणखी बदल होतील आणि त्यासाठी त्यांनी सक्रिय व्हायला हवे.

नागराज दासमनी बोलताना म्हणाले, येथे शिकलेल्या प्रशिक्षणाचा योग्य वापर करून पुढील काळात या क्षेत्रात प्रत्येकाने यश मिळवावे. येथे घेतलेले प्रशिक्षण केवळ मर्यादित स्वरूपात न ठेवता आयुष्यात याचा योग्य पद्धतीने वापर करावा, आणि नवनवे शिक्षण घेण्यासाठी प्रयत्नशील राहावे.

प्रवीण के. एस. यांनी आपल्या मनोगतात सांगितले,, प्रशिक्षण जरी संपले असले तरी शिक्षण इथेच संपणार नाही. नवनव्या प्रयोगांसाठी शिक्षण सतत सुरू ठेवावे असे ते म्हणाले.