बेळगावमधील विजय नगर ते हिंडलगा भागाला जोडणाऱ्या या रस्त्याचे नाव पाइपलाइन रोड आहे. रस्ता करण्यासाठी तसाच खोदून सोडून देण्यात आला आहे . त्यामुळे या रस्त्यावर दररोज अनेक अपघात होतात.

विजयनगर ते हिंडलगा यांना जोडणारा हा रस्ता गेल्या सहा महिन्यांपासून खोदून तसाच पडून आहे. 24*7 उभ्या पाईपचे काम करण्यासाठी खोदण्यात आले आहे. नाल्यांच्या बांधकामासाठी पुन्हा रस्ता खोदून तसाच टाकण्यात आला आहे. विजयनगर ते हिंडलगा जोडणारा हा मुख्य रस्ता होता. शाळकरी मुले, वयोवृद्ध व वाहनधारकांना त्रास होत असल्याची परिस्थिती निर्माण झाली आहे.

या रस्त्याची अवस्था अशी आहे की, आपल्या मुलाला स्कूटरवरून घेऊन जाणारी एक महिला आमच्या कॅमेऱ्यासमोरच घसरली, परिणामी ती महिला जखमी झाली. विजयनगरपासून हिंडलगापर्यंत उतार आहे. रस्त्यावरील चिखलामुळे लोक घसरून पडत आहेत. यातील निम्मा रस्ता बेळगाव महानगरपालिकेत येतो आणि उर्वरित अर्धा भाग मंत्री लक्ष्मी हेब्बाळकर यांच्या प्रतिनिधीत्व असलेल्या ग्रामीण मतदारसंघात येतो. त्यामुळे कोणाला जाऊन सांगावे, असा प्रश्न स्थानिकांना पडला आहे.

साधारणत: दयनीय अवस्थेत असलेल्या या रस्त्यावर दररोज अनेक अपघात होत असून संबंधितांनी हा रस्ता दुरुस्त करून लोकांच्या सोयीचा करावा, असा जनतेचा आग्रह आहे.