कल्याणकारी क्रांतीनंतर सर्वस्वाचा त्याग करून, संन्यास स्वीकारून तपश्चर्येने आत्मकल्याण करणारे अंकलगीचे आडवी सिद्धेश्वर हे भक्ती, ज्ञान आणि भक्तीच्या महाप्रकाशासारखे होते, असे मत विरक्त मठाचे शिवमूर्ती महास्वामी यांनी व्यक्त केले.

शिवबसव नगर येथील कारंजी मठ शिवानुभव मंडप येथे सोमवारी ‘महामहिमा अंकलगी श्री अडवी सिद्धेश्वर” या विषयावर व्याख्यानाचे आयोजन करण्यात आले होते, यावेळी ते बोलत होते.

यावेळी डॉक्टरेट पुरस्काराने सन्मानित झालेले लोकापुरेचे डॉ. चंद्रशेखर महास्वामी यांच्याहस्ते स्पर्धा परीक्षेत उत्कृष्ट कामगिरी करणाऱ्या जानवी महांतेश कित्तूर यांचा सत्कार करण्यात आला. यावेळी सत्कारमूर्तींना कारंजी मठाचे गुरुसिद्ध महास्वामी यांनी आशीर्वाद दिले. कार्यक्रमाच्या अध्यक्षस्थानी शिवयोगी कुसागल हे होते.

प्रारंभी कुमारेश्वर संगीत पाठशाळेच्या विद्यार्थ्यांनी ईशस्तवन सादर केले. डॉ. हेमा सोनळ्ळी यांनी स्वागत केले. शशिकला हुबळी यांनी सुत्रसंचलन केले. तर व्ही.के. पाटील यांनी आभार मानले.