प्रदूषण नियंत्रण अधिकाऱ्यांनी धारवाड शहरात प्लास्टर ऑफ पॅरिसच्या 105 गणेशमूर्ती जप्त केल्या आहेत.
धारवाड येथील गांधी चौकाजवळील हेब्बळी आगासी रोडवर लक्ष्मणराव मोरे हे गणेशमूर्ती विक्रेते चित्पावन ब्राह्मण संघाच्या इमारतीत पीओपीच्या गणेशमूर्तींची विक्री करत होते.

काही माहितीच्या आधारे, प्रदूषण नियंत्रण अधिकारी आय एच जगदीश, कॉर्पोरेशन झोनल कमिशनर महेश हलगी आणि पर्यावरण अभियंत्यांनी या ठिकाणी छापा टाकून तपासणी केली आणि पीओपीच्या 105 गणेशमूर्ती जप्त केल्या . त्यानंतर अधिकाऱ्यांनी त्यांना ताब्यात घेतले आहे. याप्रकरणी कर्नाटक राज्य प्रदूषण नियंत्रण मंडळ कायद्यांतर्गत गुन्हा दाखल करण्यात आला आहे.