मेगा गॅस एजन्सी पाइपलाइन टाकत असताना चोवीस तास पिण्याच्या पाणी पुरवठ्याची पाइपलाइन खराब होऊन अन्नपूर्णावाडी, वैभव नगर, बेळगाव येथे दूषित पाणीपुरवठा होत होता . ही बातमी पसरताच एल अँड टी कंपनीही खडबडून जागी झाली असून टँकरद्वारे लोकांना पाणीपुरवठा करत आहे. हा आहे इन न्यूजचा इम्पॅक्ट

मेगा गॅस एजन्सी पाइपलाइन टाकत असताना, अन्नपूर्णावाडी, वैभव नगर, बेळगावला मुख्य पाणीपुरवठा करणाऱ्या जलवाहिनीला धोका निर्माण झाला होता, तसेच पिण्याच्या पाण्यात दूषित पाणी मिसळले जात होते. त्यामुळे येथील नागरिकांमध्ये साथीच्या आजारांची भीती निर्माण झाली होती

या संदर्भात इन न्यूजमध्ये प्रसारित झाला. याबाबत माहिती मिळताच नगर सेवक श्रेयस नाकाडी यांनी घटनास्थळी भेट देऊन काल रात्रीपासून तातडीने दुरुस्तीचे काम सुरू केले. याबाबतचे वृत्त प्रसारित होताच एल अँड टी कंपनी तात्काळ खडबडून जागी होऊन दुरुस्तीचे काम पूर्ण होईपर्यंत येथील नागरिकांना टँकरद्वारे पाणीपुरवठा करून लोकांच्या आरोग्याचा प्रश्न सोडविण्यात येत आहे. पाईपलाइनच्या दुरुस्तीचे काम लवकरच पूर्ण करण्यात येणार आहे.

ज्या कंपन्यांनी यापूर्वीच कामे हाती घेतली आहेत, त्यांच्या सहकार्याने कामे करावीत, अशी मागणी नागरिकांकडून होत आहे.