कागवाड मतदारसंघातील जनतेच्या मागणीनुसार ग्रामीण भागातील रस्त्यांचा टप्प्याटप्प्याने विकास करण्यात येणार असल्याचे आमदार राजू कागे यांनी सांगितले.

कागवाड-अथणी मुख्य रस्ता, शेडबाळ स्टेशन ते मलिंगराया मंदिरापर्यंत रस्ता बांधकामाचा शुभारंभ आमदार राजू कागे यांच्या हस्ते करण्यात आला.

दर्जेदार रस्ता तयार करण्याच्या सूचना आमदारांनी ठेकेदार संदीप खराडे यांना दिल्या. या मार्गाने हजारो टन ऊस साखर कारखान्यांकडे नेला जात असून, दर्जेदार रस्ता तयार करणे गरजेचे असल्याचे ते म्हणाले.

आमदार राजू कागे यांचा संजय कौलागुड्डे, अमन्ना गावडे, होन्नाप्पा गावडे व समस्त ग्रामस्थांच्या हस्ते सत्कार करण्यात आला.