जेव्हा आपण समाजातील उपेक्षित लोकांचा सन्मान करू, जसे की आपले शहर स्वच्छ करणारे सफाई कामगार, स्वच्छतागृह स्वच्छ करणारे , अशा लोकांना आपण समारंभात सन्मानित करू आणि त्यांच्या सेवेचे कौतुक करू, तेव्हा आपल्या भारत देशात परिवर्तन घडेल . असे मत कागवाड मतदारसंघाचे आमदार राजू कागे यांनी व्यक्त केले.

उगार खुर्द शहरात रविवारी नगरोत्थान योजनेंतर्गत 12 लाख रु. खर्च करून बांधण्यात आलेल्या मराठा समाज भवनाचे उद्घाटन केल्यानंतर आमदार राजू कागे बोलत होते.

आमदार आणि निवडून आलेल्या सदस्यांचा अनेक समारंभात सत्कार केला जातो. पण जो आपले शहर स्वच्छ करतो आणि आपल्याला निरोगी राहण्यास मदत करतो, त्यांचा सत्कार झाला पाहिजे असे आ . राजू कागे म्हणाले . सत्कार समारंभ म्हणजे वेळ आणि आर्थिक खर्चाचा अपव्यय आहे. यात बदल करण्याची इच्छा त्यांनी व्यक्त केली. सत्काराच्या वेळी विद्यार्थ्यांना पुष्पहार न घालता पाठ्यपुस्तकांचे वाटप आणि रोपटे लावल्यास मला आनंद होईल. आमदार म्हणाले की, ज्या शाळांनी माझा गौरव केला आहे, त्या शाळा दरवर्षी सिद्धगंगा मठ शाळेतील विद्यार्थ्यांना रात्रीचे जेवण देत आहेत.

पाहुण्यांचा सत्कार उगारा मराठा समाजाचे अध्यक्ष विश्वनाथ शिरसाट , रामचंद्र थोरुसे यांच्या हस्ते करण्यात आला. नगरपंचायत सदस्य प्रफुल्ल थोरुशे यांनी प्रास्ताविकात समाजाच्या प्रगतीची सविस्तर माहिती दिली.

मराठा समाजाचे उपाध्यक्ष विजय थोरुसे, सचिव सुरेश देसाई, संचालक अमर जगताप कृष्णा साखर कारखान्याचे उपाध्यक्ष शंकर वाघमोडे, कंत्राटदार विकास पंदरे, मुख्याधिकारी सुनील बबलदी, संदीप खराडे, अभियंता एम.एस.पठाण, रामचंद्र थोरुसे, संदीप मुंडे, रावसाहेब दानवे आदी उपस्थित होते. विजय ढेरे, योगेश घाटगे, दिपाक शिंदे, सतीश जगताप , शोभा शिरसाट निर्मला ढेरे, रुपा भोसले, स्वप्नाली भोसले आदींसह अनेकजण उपस्थित होते. मराठा समाजाच्या अधिक विकासासाठी 20 लाख. देणार असल्याची घोषणा आमदार राजू कागे यांनी केली.