कर्नाटकासहित महाराष्ट्र आणि गोवा येथील लाखो भाविकांचे श्रद्धास्थान असलेल्या सौंदत्ती इथलं श्री यल्लमा देवीच्या मंदिरातील दानपेटी १. ९६ कोटी रुपये जमा झाले आहेत . सौंदत्ती येथील श्री रेणुका यल्लम्मा देवीच्या मंदिराची दानपेटी खोलण्यात आली . गेल्या दोन महिन्यात , मंदिरात आलेल्या लाखो भाविकांनी , देवीला सढळ हस्ते दान अर्पण केले आहे . गेल्या दोन दिवसांपासून , मंदिराच्या दानपेटीतील रकमेची मोजदाद सुरु होती . दानपेटीतील दानाची इन कॅमेरा मोजणी करण्यात आली .
![](https://marathi.innewsbelgaum.com/wp-content/uploads/2024/04/SHIV-OM-copy.jpg)
यल्लम्मा देवस्थानचे शासनाधिकारी , जिल्हाधिकारी आणि देवस्थानचे कार्यनिर्वाहक अधिकारी एसबीपी महेश यांची रीतसर अनुमती घेऊन दानपेटी खोलण्यात आली . या दानपेटीतील रक्कम आणि मौल्यवान दागिने मोजण्यात आले . दानपेटीत १ कोटी ७१ लाख रुपये रोख रक्कम , २० लाख ४४ हजार रुपये किमतीचे सोने, ४ लाख ४४ हजार रुपये किमतीची चांदी जमा झाली आहे . १ एप्रिल ते ३१ मे दरम्यान मंदिरात आलेल्या भाविकांनी श्री रेणुकाचरणी हे दान अर्पण केले आहे .
ह्या रकमेचा विनियोग मंदिराच्या विकासासाठी तसेच भाविकांना पायाभूत सुविधांसाठी देण्यासाठी केला जाणार आहे . यावेळी देवस्थान व्यवस्थापन समितीचे अध्यक्ष बसय्या हिरेमठ , सदस्य वाय वाय काळप्पणावर , अभियंता ए बी मुल्लुर , सहाय्यक आयुक्त बसवराज जिरग्याळ , अधीक्षक नागरत्ना चोळण , कॅनरा बँक कर्मचारी व देवस्थाने कर्मचारी उपस्थित होते .
Recent Comments