धारवाडमधील कर्नाटक कॉलेजच्या विरोधात विद्यार्थी, पालक आणि एसएफआय च्या कार्यकर्त्यांनी आंदोलन करून रोस्टर सिस्टमचे उल्लंघन आणि पात्र विद्यार्थ्यांना प्रवेश नाकारत असल्याबद्दल निषेध नोंदविला.

कर्नाटक कॉलेज, धारवाडमध्ये आरक्षणाचा विचार केला जात नाही. तसेच, कॉलेज प्रशासनाने रोस्टर पद्धतीचे पूर्णपणे उल्लंघन केले आहे, असा आरोप आंदोलकांनी केला. विद्यार्थ्यांना सर्वाधिक मागणी असलेल्या विषयांच्या जागा ७५ टक्क्यांनी वाढवाव्यात. विद्यार्थ्यांनी निवडलेल्या विषयांशी काहीही संबंध नसलेले विषय देणे बंद करावे. विद्यार्थ्यांची पहिली आणि दुसरी फेरी झालेली गुणवत्ता यादी प्रसिद्ध करावी तसेच अर्ज केलेल्या प्रत्येक विद्यार्थ्याला एक विषय सोडून चार ते पाच विषय निवडण्याची मुभा द्यावी, अशी मागणी आंदोलकांनी केली.