चिक्कोडीच्या नूतन खासदार प्रियांका जारकीहोळी यांनी आज मंत्री लक्ष्मी हेब्बाळकर यांच्या निवासस्थानी भेट दिली.

चिक्कोडी लोकसभा मतदारसंघातून खासदार म्हणून निवडून आल्यानंतर प्रियंका जारकीहोळी यांनी प्रथमच महिला व बालकल्याण मंत्री लक्ष्मी हेब्बाळकर यांच्या निवासस्थानी भेट दिली.

त्यांच्या विजयासाठी परिश्रम घेतलेल्या मंत्री लक्ष्मी हेब्बाळकर यांचा पदस्पर्श करून त्यांनी आशीर्वाद घेतले. यावेळी मंत्री लक्ष्मी हेब्बाळकर यांनी तिला शाल पांघरून खासदार प्रियांका जारकीहोळी यांना फुले देऊन मिठाई खाऊ घातली व शुभेच्छा दिल्या. दरम्यान, खासदार प्रियांका जारकीहोळी यांनी मंत्री हेब्बाळकर यांच्या चरणी नतमस्तक होऊन आशीर्वाद घेतले.

दरम्यान, मंत्री लक्ष्मी हेब्बाळकर यांचाही खासदार प्रियांका जारकीहोळी आणि राहुल जारकीहोळी यांच्या हस्ते सत्कार करण्यात आला. काही काळ दोन्ही लोकप्रतिनिधींनी विविध विषयांवर चर्चा केली. त्याचबरोबर विविध ज्येष्ठांचे मार्गदर्शन घेऊन चांगले काम करण्याचा सल्ला मंत्री हेब्बाळकर यांनी दिला.
यावेळी विधान परिषद सदस्य चन्नराज हट्टीहोळी , मृणाल हेब्बाळकर, मंत्री लक्ष्मी हेब्बाळकर यांच्या मातोश्री यांच्यासह काँग्रेस पदाधिकारी व कार्यकर्त्यांचा सहभाग होता.